Operación conxunta da Axencia Tributaria e Policía Nacional

• A súa rotura podería provocar o descarrilamento dos trens, polo que, tras a investigación, procedeuse á inspección de dúas naves situadas en Zaragoza e á detención dunha persoa

• Cando Ferrocarrís da Generalitat Valenciana sospeitou deles pola pouca similitude que mostraban cos orixinais, a empresa investigada chegou a emitir un documento que aseguraba que eran auténticos

2 de xuño de 2022.- Vixilancia Aduaneira da Axencia Tributaria, nunha operación conxunta coa Policía Nacional, e en colaboración coa Oficina Europea de Loita contra a Fraude, interveu unha tonelada de rodamentos de ferrocarril falsificado, fornecidos por unha empresa de Zaragoza a Ferrocarrís da Generalitat Valenciana mediante concurso público. O emprego destes rodamentos puxese en risco a seguridade dos trens e a dos propios pasaxeiros, xa que a súa rotura produciría o descarrilamento dos vagóns.

A investigación iniciouse a raíz dunha denuncia presentada por unha empresa, quen alertaba da adquisición de 160 rodamentos que supostamente eran da súa marca por parte de Ferrocarrís da Generalitat Valenciana, pero que foran provistos por outra empresa que participaba no concurso público e que obtivo a licitación polo mesmo prezo que eles.

Cando Ferrocarrís da Generalitat Valenciana recibiu o primeiro pedido de 80 rodamentos, sospeitou deles pola pouca similitude que existía entre os recibidos e os que eles tiñan orixinais desa mesma marca, polo que se puxeron en contacto coa empresa investigada, quen lles enviaron un documento que "confirmaba" a súa autenticidade.

Debido a que o documento recibido infundía sospeitas de falsidade, Ferrocarrís da Generalitat Valenciana decidiu pórse en contacto coa empresa orixinal, quen, cos seus propios peritos, confirmaron a falsidade dos rodamentos, procedendo a presentar unha denuncia por vulneración da marca e polo elevado risco que supón falsificar pezas desta importancia.

Importacións irregulares que contraveñen os regulamentos da  UE

Durante a investigación á empresa subministradora dos rodamentos, advertíronse empresas importadoras que tiñan expedientes de retención e destrución en diversas fronteiras europeas. Tratábase de importacións irregulares que contraveñen os regulamentos da Unión Europea en vulneración de marcas.

Con toda esta información, procedeuse á inspección de dúas naves en Zaragoza, encontrandose a mostra dos rodamentos vendidos a Ferrocarrís da Generalitat Valenciana e procedendose á incautación dos 160 rodamentos (unha tonelada) vendidos en Valencia. Unha persoa foi detida mentres que outra está sendo investigada por un presunto delito contra a propiedade industrial e outro de contrabando.

Na operación participaron as unidades operativas de Vixilancia Aduaneira da Axencia Tributaria en Madrid e en Zaragoza, a Policía Nacional e a OLAF.