No marco de colaboración de actividades formativas acordado entre a Fiscalía Xeral do Estado e a Axencia Tributaria, entre os días 23 e 25 de novembro de 2022 tivo lugar un Curso-estancia sobre procedementos tributarios e aduaneiros, dirixido a membros da carreira fiscal.

O encontro foi inaugurado por D. Javier Hurtado Puerta, director do Departamento de Inspección Financeira e Tributaria, e D. Jesús José Tirado Estrada, Fiscal de Sala Jefe da sección do Contencioso-administrativo do Tribunal Supremo.

Durante o curso analizáronse diversas cuestións relativas á competencia inspectora, a salvagarda dos dereitos fundamentais nos procedementos de liquidación e execución, as estratexias de información e asistencia que a Axencia Tributaria pon a disposición da cidadanía en garantía da seguridade xurídica e a certeza nas súas actuacións, os controis censuais, a normativa aduaneira da  UE canto aos responsables da débeda tributaria e aduaneira nas importacións de bens, ademais dunha análise da conflitividade e litixiosidade tributaria e a descrición do sistema de control interno da Axencia Tributaria e a súa política de seguridade da información.