A Axencia Tributaria organizou o curso-estancia sobre delincuencia económica, que se celebrou os días 14, 15 e 16 de xuño en Madrid, dirixido a membros da Carreira Fiscal especialistas en delincuencia económica.

A inauguración do curso-estancia contou coa participación da directora Xeral da Axencia Tributaria, Soledad Fernández Doctor, e o Fiscal Xeral do Estado, Álvaro García Ortiz, quen destacaron a necesidade da formación especializada para abordar delitos cada vez máis complexos e o importante papel que desempeñan estes cursos, que se iniciaron o ano pasado e, dado o éxito obtido, consolídanse co celebrado este ano.

Durante o desenvolvemento do curso-estancia expuxose o traballo daqueles órganos da Axencia Tributaria cuxas funcións específicas se dirixen precisamente á investigación de supostos que poden desembocar, de forma temperá ou despois da oportuna actividade administrativa, en denuncias deste tipo de delitos: o Servizo de Vixilancia Aduaneira (integrado no Departamento de Aduanas e Impostos Especiais) ou a Oficina Nacional de Investigación da Fraude (do Departamento de Inspección Financeira e Tributaria).

Abordouse a problemática derivada dos delitos contra a Facenda Pública, frustración da execución do crédito público, branqueo de capitais e contrabando, así como os principais problemas de tramitación dos expedientes e as posibilidades de colaboración con Xulgados e Tribunais.

O curso-estancia foi clausurado pola directora do Departamento de Aduanas e Impostos Especiais da Axencia Tributaria, María Pilar Jurado Borrego.