Loita contra o contrabando de tabaco

• Unha persoa foi detida pola súa presunta implicación nos feitos
• O valor do tabaco incautado supera os 73.000 euros

19 de maio de 2023.- Funcionarios de Vixilancia Aduaneira da Axencia Tributaria procederon o pasado 9 de maio en Jerez de la Frontera (Cádiz) ao apresamento de máis de 16.000 paquetes de cigarros de diversas marcas comerciais e á detención dunha persoa como presunto responsable dun delito de contrabando.

No operativo realizado contra o contrabando de tabaco procedente do Campo de Xibraltar despregouse un dispositivo de vixilancia e seguimento tras o cal se logrou identificar, tanto o vehículo dedicado ao transporte, como o almacén da localidade jerezana onde se ocultaba o xénero de contrabando.

Posteriormente, os investigadores de Vixilancia Aduaneira procederon á inmediata detención do condutor do vehículo como presunto responsable dun delito de contrabando e á incautación do tabaco localizado no interior do vehículo e no almacén.

O valor dos labores do tabaco incautado supera os 73.000 euros, estando en 15.000 euros o límite establecido pola lei para diferenciar o delito da infracción administrativa de contrabando cando se trata deste tipo de xénero estancado.

Finalizado o operativo, tanto o detido coma o tabaco intervido foron trasladados ás dependencias de Vixilancia Aduaneira en Xerez a fin de formalizar as actuacións pertinentes.

Todas as actuacións, vehículo, efectos e xénero intervido, canda o detido foron postos a disposición do Xulgado de Instrución en funcións de garda dos de Jerez de la Frontera.

Esta actuación forma parte do plan de control establecido pola Axencia Tributaria na loita contra o contrabando.