Permite a existencia dun procedemento electrónico de cesión de información tributaria, que substitúe ás comunicacións e certificados en papel para que os Xulgados e Tribunais poidan acceder a través do Punto Neutro Xudicial a información de carácter tributario para o exercicio da función xurisdicional.

A cesión de información procedente da Axencia Tributaria terá como finalidade exclusiva a colaboración cos órganos xudiciais no desenvolvemento das funcións que estes teñen atribuídas nos supostos das letras a), f) e h) do artigo  95.1 da Lei Xeral Tributaria, con respecto ás cales a lei permite a cesión de información de carácter tributario.

Todo iso enténdese sen prexuízo do intercambio de información que poida ter lugar entre a Axencia Tributaria e os órganos xudiciais segundo o ordenamento xurídico en supostos distintos dos previstos por este Convenio.