• Ademais, foron detidos os seus dous colaboradores como presuntos autores do delito de suborno internacional

• Foron intervidos 28.500 euros, 500 gramos en lingotes de ouro valorado en máis de 42.000 euros, dous vehículos valorados en 103.000 euros e bloqueáronse 28 contas bancarias, 13 inmobles, dúas embarcacións e 620.000 euros en accións

17 de decembro de 2024.- Funcionarios de Vixilancia Aduaneira da Axencia Tributaria, nunha operación conxunta con axentes da Policía Nacional, detiveron na Rexión de Murcia a un empresario por corrupción nas transaccións internacionais e branqueo de capitais e aos seus dous colaboradores como presuntos autores do delito de suborno internacional. Na fase operativa, interviñéronse 28.500 euros, 500 gramos en lingotes de ouro valorado en máis de 42.000 euros, dous vehículos valorados en 103.000 euros e foron bloqueadas 28 contas bancarias, 13 inmobles, dúas embarcacións e 620.000 euros en accións.

A investigación revelou que se trataría dun empresario que, apoiado por outros cooperadores de Guinea Ecuatorial e mediante o pagamento de comisións, posicionaríanse como principais exportadores a ese país de produtos de varios sectores.

Inicialmente a relación comercial centrouse na exportación de pensos, animais e outros produtos de agricultura e gandaría, pero na actualidade o área de negocio maioritaria procedía do sector de pezas e recambios de aviación.

Entre 2017 e 2023 o principal investigado recibiría case sete millóns de euros mediante transferencias nas súas contas bancarias procedentes de empresas controladas desde Guinea Ecuatorial. A partir do ano pasado tamén empezou a recibir diñeiro en efectivo procedente dese país, acadando en 2023 unha suma de 1.236.000 euros e neste ano 2024 1.835.000 euros procedentes do cobramento de facturas.

O pasado 23 de outubro levouse a cabo a fase operativa, practicandose tres detencións e o rexistro de dúas vivendas na Rexión de Murcia, en que se interveu 28.500 euros, 500 gramos en lingotes de ouro por valor duns 42.000 euros no mercado, dous vehículos valorados en 103.000 euros, varios dispositivos electrónicos e documentación variada. Ademais, foron bloqueadas 28 contas bancarias, 13 inmobles, dúas embarcacións de recreo e 620.000 euros en accións.