• Catro investigados por diversos delitos contra a saúde pública e contra a propiedade industrial

• Hanse incautado 160 reloxos falsificados de marca de alta gama, 2.685 caixas de medicamentos ilegais, 2,5 quilos de haxix e 7 quilos de marihuana

19 de xullo de 2024.- A Unidade de Vixilancia Aduaneira e os Administradores de Aduanas da Axencia Tributaria, en colaboración con Garda Civil, no marco das súas misións como Resgardo Fiscal do Estado, e cumprindo co ‘Plan de Resposta Policial ao Tráfico de Substancias Estupefacientes, así como o Comercio Ilegal doutros obxectos utilizando o Envío Postal’, realizaron recentemente un total de 46 inspeccións en empresas de paquetaría e recintos aduaneiros, respecto das que se instruíron dilixencias en que se investigan a catro persoas como presuntas autoras de diversos delitos contra a saúde pública e contra a propiedade industrial.

Durante o conxunto das inspeccións, se incautaron 160 reloxos falsificados dunha coñecida marca de luxo, 2.685 caixas de medicamentos ilegais, 2,5 quilos de haxix, case 7 quilos de marihuana e máis de 10 botes de resina, multitude de cigarros/’porro’ e diversas cantidades doutros produtos cannábicos, tales como ‘galletas’, ‘chocolatinas’, etc.

O ‘modus operandi’ utilizado para realizar os envíos contendo substancias prohibidas ou obxectos falsificados era case sempre o mesmo, de orixe estranxeira e sen que nunca coincidisen cunha persoa física ou xurídica real o seu remitente ou destinatario, tratando así de dificultar o esclarecemento policial dos delitos. Porén, conseguíronse reunir os indicios necesarios que permitiron identificar aos agora acusados.

En dous das primeiras inspeccións realizadas nunha empresa de paquetaría, os axentes detectaron un vulto que ergueu as súas sospeitas, motivo polo que se realizou a apertura do mesmo, encontrando no seu interior vario bolsas de peche hermético simulando ser un paquete de lambetadas que, porén, contiña corazóns de marihuana no seu interior, dispostos para a súa venda.