• Os teléfonos foron interceptados en paquetes durante o control nos almacéns de carga aérea de exportación

• O valor estimado dos terminais intervidos é de 400.000 euros

• O destino dos teléfonos era Asia onde ían ser vendidos por pezas

• Os axentes da ULAR están contactando cos lexítimos propietarios dos teléfonos para devolverllos

18 de xuño de 2024.- A Axencia Tributaria e a Garda Civil interviñeron durante o mes de febreiro no aeroporto de Barcelona oito paquetes con 472 teléfonos de gama alta roubados, cun valor aproximado de 400.000 euros, cuxo destino era Asia.

Axentes da Unidade Local de Análise de Risco (ULAR) con sede na Aduana do Aeroporto Josep Tarradellas-Barcelona El Prat, formada por Axentes de Vixilancia Aduaneira de Barcelona, por técnicos da Axencia Tributaria da Aduana do aeroporto de Barcelona e por especialistas fiscais da Garda Civil do devandito aeroporto, descubriron oito caixas con 472 teléfonos de alta gama durante o control nos almacéns de carga aérea de mercadorías de importación e exportación.

Tras analizar os terminais, puidose indagar que a maioría foran roubada nas comunidades autónomas de Cataluña, Madrid e Aragón, nalgún dos casos, mediante o uso de violencia e intimidación con armas brancas, causando graves lesións aos seus propietarios.

Os teléfonos eran enviados en lotes a través de paquetaría postal a países de Asia onde ían ser despezados e vendidos como recambios. O valor estimado dos teléfonos é de 400.000 euros.

Os autores dos envíos utilizaban identidades falsas polo que a investigación continúa aberta para tratar de dar coa estrutura criminal.

Os axentes integrantes da ULAR están contactando cos lexítimos propietarios dos aparellos para proceder á súa devolución.