• Acháronse tres botes con 1.673 pastillas de éxtase e 88 gramos de MDMA en formato "rocha"

24 de maio de 2024.- Funcionarios da Axencia Tributaria nas Baleares e axentes da Garda Civil procederon o pasado 17 de maio en Eivissa á detención dun home de nacionalidade venezolana, como presunto autor dun delito de tráfico de drogas.

Os investigadores detectaron a mañá do pasado día 17 de maio, durante unha inspección fiscal de paquetaría no aeroporto de Eivissa, un envío sospeitoso de conter substancias estupefacientes. O envío ía dirixido a un veciño de Eivissa. Con autorización do xulgado de instrución nº1 de Eivissa, os axentes procederon á apertura do paquete e acharon tres botes con 1.673 pastillas de éxtase e 88 gramos de MDMA en formato "rocha".

Posteriormente, esa mesma tarde, o destinatario das substancias estupefacientes foi localizado e procedeuse á súa detención. O xuíz ordenou o seu ingreso en prisión.