• A muller, que tiña 60 cápsulas de cocaína no corpo e pretendía transportaras a Madrid, resultou detida nun control no aeroporto de Palma

• O cabecilla da organización foi detido en Madrid tras unha investigación conxunta

14 de agosto de 2025.- Funcionarios de Vixilancia Aduaneira da Axencia Tributaria en colaboración coa Garda Civil, no marco da operación ‘Barclo’, lograron deter o responsable dunha rede de tráfico de drogas que operaba desde as Illas Baleares, utilizando persoas como ‘mulas’ para o transporte de estupefacientes. As actuacións iniciáronse coa detención dunha pasaxeira no aeroporto de Palma e culminaron coa captura en Madrid do cabecilla da organización.

A operación comezou cando axentes da Garda Civil interceptaron o pasado mes de decembro a unha muller de 61 anos que intentaba embarcar nun voo con destino Madrid. Durante un control de seguridade, descubriuse que portaba 60 cápsulas de cocaína oculta en seu vestimenta, cun peso total de 830 gramos. Tras o seu arresto, a Autoridade Xudicial decretou o seu ingreso en prisión provisional.

As investigacións, realizadas conxuntamente por funcionarios Vixilancia Aduaneira da Axencia Tributaria e a Garda Civil, parecían indicar que a muller non actuaba soa. Finalmente, puidose comprobar que esta persoa actuaba canda un home sudamericano que presuntamente coordinaba as operacións desde Madrid.

Tras todo o anterior, o pasado 31 de xullo logrouse localizar e deter o sospeitoso no distrito madrileño de Villaverde. O detido, de 41 anos de idade, foi posto a disposición xudicial, decretandose a súa prisión provisional sen fianza polos delitos de tráfico de drogas e branqueo de capitais.