• Os axentes descubriron durante a inspección que a droga estaba agochada nos baixos do maleteiro e asentos

31 de xullo de 2025.- Funcionarios da Unidade Operativa de Vixilancia Aduaneira da Axencia Tributaria en Tenerife, nunha actuación conxunta con axentes da Garda Civil pertencentes á Sección de Fiscal e Fronteiras do porto de Santa Cruz de Tenerife, no marco dos puntos de inspección fiscal que veñen realizando no peirao da a chegada dos buques de liñas marítimas, detiveron unha muller como presunta autora dun delito de tráfico de drogas.

Durante o dispositivo foi identificada a acusada, que conducía un turismo de grandes dimensións que ergueu as sospeitas dos axentes debido ao evidente sobrepeso que presentaba o vehículo, así como á súa actitude de nerviosismo durante a entrevista que mantiveron con ela os axentes.

Ademais, do interior do vehículo desprendíase un forte cheiro a substancia cannábica, motivo polo que, os axentes decidiron realizar unha inspección exhaustiva do interior do vehículo, achando de forma oculta no maleteiro e nos baixos dos asentos un total de 300 kg de substancia estupefaciente que, tras realizarlle o correspondente test, resultou positiva en haxix.

A detida, canda a substancia intervida e as dilixencias realizadas foi posta a disposición do Xulgado de Instrución nº 5 de Santa Cruz de Tenerife, decretando a autoridade xudicial prisión provisional para a acusada.