• O diñeiro estaba oculto xunto ao habitáculo do condutor, dentro dunha mochila

• Detivose ao condutor do autobús, un cidadán de nacionalidade marroquí

6 de xuño de 2025.- Funcionarios de Vixilancia Aduaneira da Axencia Tributaria e axentes da Garda Civil interviñeron no porto de Almería 200.000 euros en efectivo e 890 paquetes de tabaco sen precintas fiscais que se encontraban ocultos nun autobús que viaxaba no ferry procedente de Nador (Marrocos) e detiveron o condutor do vehículo.

Durante a xornada do pasado día 22 de maio, realizouse no porto de Almería un dispositivo conxunto entre Vixilancia Aduaneira e UDAIF da Garda Civil, que tiña como obxecto o control dos vehículos que desembarcaban do ferry procedente de Nador.

Froito deste dispositivo procedeuse ao recoñecemento e inspección física de varios vehículos, entre eles un autobús con matrícula francesa, en cuxo interior se encontrou oculta ao lado do habitáculo do condutor, unha mochila que contiña 200.000 euros en metálico, distribuídos en billetes de 50, 100, 200 e 500 euros. Por tal motivo, os investigadores procederon á detención do condutor do autobús, un individuo de nacionalidade marroquí, por un presunto delito de contrabando.

Ademais, no interior do autobús foron descubertas 890 paquetes de tabaco de contrabando, sen as correspondentes precintas fiscais, polo que foron intervidas, realizandose a correspondente acta por infracción administrativa de contrabando.

Tanto o detido coma os xéneros intervidos pasaron a disposición do Xulgado de garda de Almería.