• Detivose ao condutor do vehículo que transportaba a droga, o cal ingresou en prisión

• As pastillas estaban ocultas nun ‘buggie’ que era transportada nunha furgoneta guindastre

16 de abril de 2026.- Funcionarios do Servizo de Vixilancia Aduaneira da Axencia Tributaria e efectivos da Garda Civil pertencentes á Sección Fiscal e Fronteiras do porto de Santander, procederon á detención dun home de 42 anos como presunto autor dun delito contra a saúde pública por tráfico de drogas no recinto do porto de Santander, cando transportaba ocultas nun vehículo 920 pastillas de MDMA (éxtase), 35 gramos de haxix, e outras cantidades de metanfetamina e marihuana.

Dentro dos servizos que realiza o Servizo de Vixilancia Aduaneira e a Garda Civil a través das súas unidades Fiscais e de Fronteiras no porto de Santander, entre outros contra o contrabando e o tráfico ilícito de substancias estupefacientes, o pasado xoves, os axentes tiveron sospeitas sobre un vehículo furgoneta guindastre que transportaba un ‘buggie’ e un ‘quad’, durante as inspeccións realizadas sobre as operativas de embarque de vehículos e persoas no ferry con destino a Plymouth (Reino Unido).

Nunha inspección máis exhaustiva aos tres vehículos, os investigadores encontraron no ‘buggie’ dúas caixas de cartón onde acharon gran cantidade de pastillas que resultaron ser de MDMA (substancia psicótropa derivada das anfetaminas con efectos tanto alucinóxenos coma estimulantes, máis coñecido como éxtase), acadando as 920 unidades, e outras cantidades de haxix, metanfetamina e marihuana.

Por estes feitos procedeuse á detención do condutor do furgón guindastre, un home de nacionalidade británica que foi posto ao día seguinte a disposición xudicial, ordenandose o seu ingreso en prisión preventiva.