• A mercadoría foi localizada polo Resgardo Fiscal da Aduana no interior dun vehículo procedente de Andorra

21 de abril de 2026.- A Axencia Tributaria e a Garda Civil do Resgardo Fiscal, baixo a dirección da Administradora de Aduanas e II.EE. da Axencia Tributaria na Farga de Moles, interviñeron o pasado 12 de abril a cantidade de 1.020 paquetes de tabaco de diferentes marcas canda tres quilos de picadura, valorado todo en 5.644 euros, e ergueron unha acta por infracción administrativa de contrabando.

A intervención produciuse sobre as 22:25 horas, cando un vehículo con matrícula francesa accedeu á Aduana da Farga de Moles procedentes de Andorra polo carril verde (nada que declarar).

Tras realizar unha inspección visual, os axentes percibiron unha actitude nerviosa do condutor. A continuación, por orde dos axentes, o condutor abriu o maleteiro do seu vehículo, onde se descubriron 1.020 paquetes de tabaco de diferentes marcas e tres quilos de picadura. A mercadoría descuberta ten unha valoración de 5.644 euros.

Unha vez verificada a mercadoría descuberta polos axentes, nas dependencias da Axencia Tributaria, o Servizo de Viaxeiros procedeu a realizar a correspondente dilixencia de apresamento por unha presunta infracción administrativa de contrabando, quedando o xénero aprehendido depositado na Aduana da Farga de Moles, a disposición da Autoridade Aduaneira.

Esta actuación enmárcase dentro das competencias que ten encomendadas o Resgardo Fiscal nas misións fiscais, exercendo as funcións e actuacións tendentes a previr e perseguir o contrabando, tráfico de drogas, fraude e demais delitos/infraccións de carácter fiscal.