• A organización incorporara un dispositivo de xeolocalización para facer seguimento do envío

16 de febreiro de 2026.- O Servizo de Vixilancia Aduaneira da Axencia Tributaria interveu en Huelva un paquete postal con 36,7 quilos de marihuana con destino a Tarragona que incorporaba un dispositivo de xeolocalización inserido pola organización para controlar o envío.

Entre as funcións que ten encomendadas o Departamento de Aduanas, a través de Vixilancia Aduaneira, está a inspección e control dos envíos de paquetaría que se realizan a través dos centros loxísticos de distribución. No marco deses labores, o pasado 5 de febreiro realizáronse diferentes inspeccións de paquetes postais no centro de distribución de Huelva, detectandose por parte dos axentes de Aduanas varias paquetes sospeitosos, que unha vez comprobados deron resultado positivo en estupefacientes.

Destaca entre estas actuacións un enviou intervido na empresa de paquetaría GLS de Huelva, con destino Tarragona, o cal, contiña no seu interior flor de marihuana cun peso total de 36,7 quilos desta substancia.

O envío de substancias estupefacientes a través de empresas de paquetaría é un sistema frecuentemente utilizado polas organizacións criminais de narcotraficantes coa intención de intentar eludir os controis aduaneiros e policiais e así minimizar os riscos de ser detectados e detidos.

Estas organizacións criminais adoptan medidas de seguridade con tecnoloxía que lles permiten coñecer e controlar en todo momento a ruta destes envíos de substancias ilegais. No caso do envío a Tarragona, dentro do paquete onde se interviñeron os 36,7 quilos de marihuana encontrouse un dispositivo de xeolocalización colocado pola organización de narcotraficantes coa intención de controlar e seguir o envío.

A mercadoría intervida foi posta a disposición da Sección de Instrución de Huelva en funcións de garda, quen coñece dos feitos. A investigación continúa aberta para conseguir a plena identificación dos responsables, polo que non se descartan detencións.