• Detidas catro persoas pola súa presunta implicación en delitos contra a saúde pública e defraudación de fluído eléctrico

• Nos sete rexistros practicados interviñéronse 1.000 plantas de marihuana, cun peso aproximado de 300 quilos

11 de maio de 2026.- Funcionarios de Vixilancia Aduaneira da Axencia Tributaria en Sevilla, nunha operación conxunta con axentes da Policía Nacional, desmantelaron seis cultivos ‘indoor’ de marihuana na localidade de Dos Hermanas (Sevilla) e detiveron a catro persoas relacionadas cos feitos.

A investigación ten a súa orixe en varias informacións recibidas, que apuntaban a que en varias vivendas dunha barriada de Dos Hermanas estábase cultivando marihuana. Algunhas destas vivendas eran inmobles ocupados por moradores que non tiñan traballo coñecido e que vivían dos ingresos derivados desta actividade ilícita. Outras foran destinadas exclusivamente ao cultivo de marihuana, ocupando a plantación a totalidade dos inmobles.

Froito das xestións de investigación e vixilancias realizadas conxuntamente por ambos os dous corpos, os investigadores puideron determinar a existencia de varios cultivos ‘indoor’ de marihuana destinada presuntamente á súa distribución.

Como consecuencia realizáronse sete rexistros, procedeuse á detención de catro persoas e interviñéronse e interviñéronse 1.000 plantas de marihuana, cun peso aproximado de 300 quilos. Ademais, se inutilizó a aparataxe eléctrica que comporta este tipo de plantacións, evitando o risco de incendio. Os inmobles encontrábanse conectados fraudulentamente á subministración eléctrica xeral para maximizar os beneficios obtidos á actividade ilícita.

A operación continúa aberta e non se descartan novas detencións.