Obrigas formais, contables e rexistrais

Libros rexistro

• Os Libros Rexistro que tes que levar dependen da actividade que realices e do réxime que utilices para determinar o rendemento.

• Os libros deberán conter, entre outros datos, o número de factura, a data de expedición, o  NIF da contraparte da operación, o concepto, o importe, a descrición do ben, o valor de adquisición etc.

• Os libros, entre outros requisitos, deberán levarse con claridade, exactitude, por orde de datas, sen raspaduras nin riscaduras, reflectindo as anotacións en euros, etc.

• Os libros pódense levar por medios electrónicos ou informáticos conservando os ficheiros e programas que sirvan de soporte.

• Os libros rexistro de  IRPF poden ser compatibles cos de IVE , engadindo para iso os datos necesarios.Levalos conxuntamente non supón ter que cumprir requisitos adicionais aos que se esixen se os levas por separado.

• A Axencia Tributaria pon á túa disposición un formato tipo de libros rexistro normalizado que podes utilizar para:

  • levar os teus libros dende o 1 de xaneiro de 2020

  • atender requirimentos de Libros Rexistro de exercicios anteriores a 2019

  • levar conxuntamente os libros de IVE e IRPF

  • importar os libros rexistro dentro de Renda Web para cumprir os apartados dos rendementos das actividades económicas en estimación directa e, das retencións practicadas