Novidades publicadas no INFORMA 2017

Novidades publicadas no INFORMA durante o mes de marzo

A prestación por maternidade satisfeita pola Seguridade Social non está exenta de tributación no IRPF, de acordo co criterio unificado por resolución do TEAC de 2-3-2017.

A redución dos rendementos por arrendamento de vivenda resulta aplicable respecto dos rendementos declarados polo contribuínte. O TEAC unificou o criterio sobre o que debe entender por rendementos declarados.

As retribucións correspondentes ao permiso remunerado por coidado de fillos con cancro ou enfermidade grave previsto no Estatuto Básico do empregado público non están exentas de tributación no IRPF.

O feito de estar de alta no censo de empresarios non determina por si só que exista obriga de declarar no IRPF, se non se obteñen as rendas establecidas no artigo 96 da lei do Imposto.

A transmisión de bens mediante pactos sucesorios de achega, regulados na Lei 2/2006, de dereito civil de Galicia, teñen a consideración de transmisión lucrativa por causa de morte do contribuínte, e polo tanto nos devanditos casos non existe ganancia ou perda patrimonial suxeita ao IRPF.