Que son as rendas exentas

Na túa declaración de IRPF tes que incluír todas as túas rendas, é dicir: os rendementos do traballo, do capital mobiliario e inmobiliario, os derivados do exercicio de actividades económicas, as ganancias e perdas patrimoniais, e as imputacións de renda establecidas por lei.

Non obstante, existen unha serie de supostos en que, a pesar de haberse producido o feito impoñible (a obtención de rendas), non nace a obriga de tributar; cando isto ocorre encontrámosnos ante unha renda exenta.

Só está exenta a renda que se cualifique expresamente como tal na normativa de IRPF ou noutra lei. Non se pode invocar a exención fóra dos casos recollidos nas leis.

As rendas exentas non se teñen en conta para determinar o límite da obriga de declarar e, agás excepcións, como por exemplo no caso da exención por reinvestimento en vivenda habitual,  non telas que incluír na túa declaración.