Preguntas frecuentes sobre obras e reparacións en inmobles
Non, xa que é evidente que o custo dos materiais achegados polo empresario ou profesional que realice a obra superará o 40 por cento do custo total. Ao superar o devandito límite, a execución de obra de renovación ou reparación terá a cualificación de entrega de bens e, por conseguinte, tributará ao tipo xeral do Imposto do 21 por cento.
Non obstante, sería aplicable o tipo impositivo do 10 por cento se a substitución de caldeiras formase parte dunha obra global de rehabilitación do edificio cuxo custo exceda do 25 por cento do prezo de adquisición ou do valor de mercado da edificación antes da súa rehabilitación con exclusión do valor do solo.
Aplícase un 21 por cento de IVE pois o propietario, destinatario dos servizos de reparación, destina a vivenda ao arrendamento non ao uso particular.
Aplícase ás execucións de obra de renovación e reparación en edificios ou partes dos mesmos destinados a vivendas. Neste concepto pódense incluír as obras de albanelaría, fontanaría, electricidade, pintura, carpintaría, etc.
Non. O tipo reducido aplícase ás execucións de obra de renovación e reparación. O mantemento de instalacións non ten a consideración de execución de obra, polo que o tipo impositivo aplicable a estas operacións será o 21 por cento.
Si, se lles aplicará o tipo impositivo do 10 por cento de IVE desde que formen parte dun proxecto global de rehabilitación cuxo custo exceda do 25 por cento do prezo de adquisición ou do valor de mercado da edificación antes da súa rehabilitación con exclusión do valor do solo.
As obras de instalación de sistemas ou equipos de control ou telecomunicacións poden incluírse dentro das de reparación ou renovación de edificios.
Porén, para a aplicación do tipo reducido o custo dos “materiais achegados” polo empresario ou profesional que execute estas obras, e que deben quedar incorporados materialmente ao edificio, directamente ou previa a súa transformación, non pode exceder do 40 por cento do custo total da obra.
Neste caso, en que se instalan equipos de telecomunicacións, parece lóxico presumir que o seu custo será moi superior ao límite sinalado, polo que o tipo impositivo aplicable será do 21 por cento.
Tributarán ao 10 por cento cando o asegurado que utiliza a vivenda para uso particular, ou a comunidade de propietarios, contratan directamente coa empresa de reparacións quedando obrigados fronte á mesma a efectuar o pagamento.
Pola contra, tributarán ao 21 por cento cando a compañía de seguros sexa a destinataria xurídica das reparacións, e por conseguinte, quen conste como tal nas correspondentes facturas.
Considerarase custo total das obras ou custo total do proxecto de rehabilitación o importe total, Imposto sobre o Valor Engadido excluído, que soporte o promotor como consecuencia das entregas de bens e prestacións de servizos que se deriven da rehabilitación, incluídos os servizos que lle sexan prestados polo persoal técnico que dirixa as obras. Dentro do concepto de custo total do proxecto de rehabilitación tamén se incluirá o da licenza de obras que resulte preceptiva para ese fin.
Non, xa que o normal nestes casos será que a achega de materiais supere o límite do 40 por cento do custo total da obra, polo que tributará ao tipo xeral do imposto do 21 por cento.
Non. As piscinas non se consideran edificios ou partes dos mesmos destinados a vivenda. O tipo impositivo aplicable será o 21 por cento.
Quen realice as obras non debe achegar materiais cuxo custo supere o 40 por cento da base impoñible da operación. Por exemplo:
A colocación do solo dunha vivenda por 10.000 €, correspondendo 3.000 € a materiais achegados por quen realiza a obra, tributa toda ela ao 10 por cento de IVE.
Unha obra por un importe total de 10.000 €, se os materiais achegados ascenden a 5.000 €, tributa, porén, ao tipo xeral do 21 por cento de IVE.
Na factura farase constar o custo dos materiais achegados ou que se cumpre o requisito de non exceder do 40 %da base impoñible.
Dentro dunha mesma execución de obra, cualificada globalmente como entrega de bens, non poderá diferenciarse a parte correspondente ao servizo que leve consigo co obxectivo de forzar a tributación desa parte ao tipo do 10 por cento. No segundo exemplo exposto, non cabería facturar por separado unha entrega de materiais de 5.000 € aplicando o 21 por cento e unha prestación de servizos de 5.000 € a un tipo do 10 por cento.
Si, se o proxecto de rehabilitación do edificio existente, destinado en parte a residencia da congregación relixiosa e en parte a residencia de anciáns, pode cualificarse como de rehabilitación.
Todos aqueles bens corporais que, en execución das devanditas obras, queden incorporados materialmente ao edificio, directamente ou previa a súa transformación, tales como os ladrillos, pedras, cal, area, xeso e outros materiais que sexan necesarios para levar a cabo as correspondentes actuacións de renovación ou reforma, incluídas as actuacións subcontratadas a terceiros.
Non terán a referida consideración de “materiais achegados” aqueles bens utilizados como medios de produción polo empresario que leve a cabo as operacións de renovación ou reparación, que non se incorporan materialmente ao edificio ao que a obra se refire, tales como maquinaria, ferramentas, etc.