Novidades de normativa 2020

Real Decreto-lei 35/2020, do 22 de decembro, de medidas urxentes de apoio ao sector turístico, a hostalaría e o comercio e en materia tributaria.

Con data 23 de decembro publícase no BOE o Real Decreto-lei 35/2020, do 22 de decembro o Real Decreto-lei 35/2020, do 22 de decembro, pola que se establecen as seguintes medidas en materia tributaria en relación co IVE

1. Aplicación do tipo impositivo do 0 %aos produtos sanitarios para diagnóstico in vitro do SARS-Cov-2 e ás vacinas contra o mesmo. Desde o 24 de decembro de 2020 e ata o 31 de decembro de 2022, establécese na súa Disposición final sétima, a aplicación do tipo impositivo do 0 %a: 　

a) As entregas, importacións e adquisicións intracomunitarias de produtos sanitarios para diagnóstico in vitro da COVID 19 que sexan conformes cos requisitos establecidos na Directiva 98/79/CE do Parlamento Europeo e do Consello, do 27 de outubro de 1998, sobre produtos sanitarios para diagnóstico in vitro ou no Regulamento (UE ) 2017/746 do Parlamento Europeo e do Consello, do 5 de abril de 2017, sobre os produtos sanitarios para diagnóstico in vitro.　

b) As entregas de vacinas contra a COVID-19 autorizadas pola Comisión Europea. 　

c) As prestacións de servizos de transporte, almacenaxe e distribución relacionada coas entregas, importacións e adquisicións intracomunitarias, previstas nas letras a) e b) anteriores.　

Estas operacións documentaranse en factura como operacións exentas.　

O tipo da recarga de equivalencia aplicable, durante o ámbito temporal mencionado no primeiro parágrafo, ás entregas dos bens citados será o 0 %

2. Modificacións relacionadas co Réxime Simplificado e de Agricultura, gandaría e pesca: 

1º Cálculo da cantidade a ingresar do ingreso a conta correspondente ao primeiro trimestre do 2021 (artigo 9.5 do Real Decreto-lei):

Os contribuíntes que desenvolvan actividades económicas, distintas das agrícolas, gandeiras e forestais, acollidos ao réxime simplificado do Imposto sobre o Valor Engadido, para o cálculo do ingreso a conta correspondente á primeira cota trimestral do exercicio 2021, aplicarán os porcentaxes de redución establecidos con carácter xeral neste Real Decreto-lei segundo a actividade desenvolvida (20% ou 35 %) ás porcentaxes establecidas no número 3 das Instrucións para a aplicación dos índices e módulos no IVE do Anexo II da Orde HAC/1155/2020, do 25 de novembro, pola que se desenvolven para o ano 2021 o método de estimación obxectiva do IRPF e o réxime especial simplificado do IVE 

2ª Redución do número de períodos impositivos afectados pola renuncia ao réxime especial simplificado e réxime especial de agricultura, gandaría e pesca de IVE correspondente aos exercicios 2020 e 2021 (artigo 10.3 do Real Decreto-lei):

Os contribuíntes que renunciasen para o exercicio 2020 ao método de estimación obxectiva poderán volver determinar o rendemento neto da súa actividade económica polo método de estimación obxectiva no exercicio 2021 ou 2022, cos requisitos regulamentariamente establecidos. Os contribuíntes que renuncien ao método de estimación obxectiva para o exercicio 2021, poderán volver determinar o rendemento neto da súa actividade económica polo método de estimación obxectiva no exercicio 2022, cos requisitos regulamentariamente establecidos.

A renuncia ao método de estimación obxectiva no IRPF e a posterior revogación terá os mesmos efectos respecto dos réximes especiais simplificado e de agricultura, gandaría e pesca do IVE 

3º Prazos de renuncias e revogacións aos réximes simplificados e da agricultura, gandaría e pesca do IVE, para o ano 2021 (artigo 12.2 do Real Decreto-lei):

O prazo de renuncia a que se refire o artigo 33.2, parágrafo segundo, do Regulamento do IVE, Real decreto 1624/1992, do 29 de decembro, así como a revogación da mesma, que deben prover efectos para o ano 2021, será desde o 24 de decembro ata o 31 de xaneiro de 2021.

As renuncias e revogacións presentadas para o ano 2021 aos réximes especiais simplificados e da agricultura, gandaría e pesca durante o mes de decembro de 2020, con anterioridade ao 24 de decembro, entenderanse presentadas en período hábil, podendo ser modificada a opción realizada no prazo citado no parágrafo anterior. 

3. Adiamento do pagamento do modelo 303 do primeiro trimestre de 2021:

O artigo 8 permite aprazar o pagamento do modelo 303 do primeiro trimestre de 2021 ata seis meses, sen devindicación de intereses durante os primeiros tres meses.

Será requisito necesario para a concesión do adiamento que o debedor sexa persoa ou entidade con volume de operación non superior a 6.010.121,04 euros no ano 2020 e a débeda adiada non supere os 30.000 euros. Para os efectos da determinación da devandita contía, acumularanse no momento da solicitude tanto as débedas a que se refire a propia solicitude como calquera outra do mesmo debedor para as que se solicitase e non resolvido o adiamento ou fraccionamento, así como o importe dos vencementos pendentes de ingreso das débedas adiadas ou fraccionadas, non sendo que estean debidamente garantidas.

Para máis información:

por el que se adoptan medidas urgentes para responder al impacto económico del COVID-19.(BOE, 12-marzo-2020)

de medidas urgentes de apoyo al sector turístico, la hostelería y el comercio y en materia tributaria(BOE, 23-diciembre-2020)