Novidades publicadas no INFORMA 2025

Novidades publicadas no INFORMA durante o mes de outubro

Unha persoa física vendeu durante dous meses trinta e un libros usados, que xa lera, a través dunha interface dixital. Ten a condición de empresario ou profesional pola venda dos libros usados ao superar o limiar da Directiva (UE) 2021/514 do Consello, do 22 de marzo de 2021, tamén coñecida como Directiva DAC7?

Consorcio formado por diversos municipios e entidades supramunicipais que presta servizos vinculados co ciclo da auga , vai percibir unha subvención financiada con fondos europeos (PERTE) que determinará para o mesmo a obriga de executar un conxunto de actuacións de gasto subvencionables que serán financiadas parcialmente pola citada subvención e o resto cos seus ingresos propios. Está suxeita a subvención recibida procedente de fondos europeos no marco do PERTE ?

Servizos de asesoría para a obtención dun visado , que se tramita nun  Consulado de España, prestados por unha profesional establecida no territorio español de aplicación do Imposto sobre o Valor Engadido a un cliente establecido fóra da Unión Europea. Están suxeitos ao IVE en España?

Un procurador/a é acredor/a dunha empresa que foi declarada en concurso de acredores. Tras a comunicación do seu crédito ao Xulgado do Mercantil, procedeu a modificar a base impoñible e expedir facturas rectificativas. Non obstante, a administración concursal procedeu ao pagamento do total do importe recoñecido polo total da base impoñible das facturas non-pagadas. Debe reembolsar á Facenda Pública as cantidades reducidas e posteriormente recuperadas?

Unha entidade mercantil, revendedora de vehículos de segunda man en réxime especial de bens usados, vai iniciar unha campaña comercial consistente na cesión gratuíta do uso do vehículo , a potenciais adquirentes que efectuasen un pagamento a conta para a súa adquisición, durante o tempo necesario para obter o financiamento correspondente e ata que se formalice definitivamente a compravenda.  Á devandita cesión de uso resultaríaa de aplicación o réxime especial de bens usados?