Novidades publicadas no INFORMA 2026

Novidades publicadas no INFORMA durante o mes de febreiro

Autónoma que tributa polo réxime de estimación obxectiva en IRPF e polo réxime simplificado en IVE e non emite facturas regularmente Son aplicables as obrigas introducidas polo RRSIF ? Se é un contribuínte do IRPF que realiza actividade económica, estará obrigado en tanto en canto utilicen algún sistema informático de facturación para emitir facturas, aínda que con carácter xeral non exista a devandita obriga de facturación. A obriga formal de facturación e a obriga formal dos requisitos dos sistemas e programas informáticos ou electrónicos que soporten os procesos de facturación, son obrigas distintas e diferentes.

Ás  empresas distribuidoras de enerxía eléctrica resúltalles de aplicación o Regulamento polo que se regulan os requisitos dos sistemas informáticos de facturación (RRSIF)? Encóntranse excluídas determinadas operacións de intercambio de enerxía eléctrica asociadas ao mercado de produción de enerxía eléctrica a que se refiren os artigos 28 e 30 da Lei do Sector Eléctrico, e o artigo 2 do Real decreto 2019/1997 así como as referidas na disposición adicional sexta do   Regulamento polo que se regulan as obrigas de facturación, e só estas.

Unha plataforma dixital que ofrece un servizo de facturación automática (facturación por terceiro) corresponde á propia plataforma ou ao vendedor cumprir coa obriga de remisión de rexistros ao sistema VERI*FACTU? Se existe unha delegación das obrigas formais para que as operacións se exceptuen do RRSIF cómpre que se efectúe por obriga normativa e que o terceiro estea acollido ao SII . Se o servizo proporcionado pola plataforma constitúe un sistema informático de facturación (SIF) en si mesmo (artigo 1.2 RRSIF), a plataforma comercializa un SIF en sentido estrito, o cal deberá cumprir os requisitos do RRSIF . A plataforma actuará como un produtor ou comercializador

Unha persoa física vai realizar obras de reparación nun hórreo de que é propietaria  e que utiliza como anexo á vivenda unifamiliar, dedicando seu parte inferior a aparcadoiro de vehículos e a rocho ou almacenaxe de alimentos a superior. Ás devanditas obras resúltalles de aplicación o tipo reducido previsto no artigo 91.Un.2.10º LIVE?

Como tributan os servizos prestados por un guía turístico non establecido ? É deducible, se é o caso, a cota soportada pola axencia de viaxes que o contrata?

Unha asociación sen ánimo de lucro organiza exposicións, talleres e conferencias culturais. A entidade percibe ingresos vía doazóns, cotas de socios e prezo das entradas. Están suxeitas e, se é o caso, exentas as actividades realizadas?

Forman parte da base impoñible os gastos facturados por unha cooperativa con posterioridade á adquisición da vivenda?

Un consello regulador de denominación de orixe protexida ten un museo, cuxa xestión encomenda a un terceiro a cambio dun canon anual fixo. O consello vai transformar o edificio do museo . Que dereito á dedución ten o consello das cotas soportadas polas obras?