Réxime xeral

A quen aplícase o réxime xeral

Este réxime resulta aplicable cando non o sexa ningún dos especiais ou ben, cando se renuncia ou quede excluído do simplificado ou do réxime especial da agricultura, gandaría e pesca.

En que consiste o réxime xeral

Repercutirase aos clientes o  IVE que corresponda segundo o importe da operación e o tipo aplicable (21%, 10 % ou 4 %), non sendo que a mesma estea exenta do imposto. Os provedores de bens e servizos repercutirán igualmente o IVE correspondente. Deberase calcular e se é o caso ingresar a diferenza entre o IVE reportado, é dicir, repercutido a clientes, e o IVE soportado deducible, o que repercuten os provedores.

Obrigas formais

• Expedir e entregar factura completa aos seus clientes e conservar copia. Non obstante, en determinadas operacións, por exemplo, vendas polo miúdo, poderá emitirse unha factura simplificada cando o importe non exceda de 3.000 € IVE incluído.

• Esixir factura dos seus provedores e conservara para poder deducir o IVE soportado.

• Levar os seguintes libros rexistro:

  • Libro rexistro de facturas expedidas

  • Libro rexistro de facturas recibidas

  • Libro rexistro de bens de investimento

  • Libro rexistro de determinadas operacións intracomunitarias

• Presentar as declaracións periódicas que correspondan (mensuais ou trimestrais).

  Ver Como presentar a declaración de IVE – modelo 303 na ligazón que aparece á dereita como "Contido relacionado".

  No caso de grupos de entidades os modelos 322 e 353.

• Presentar a declaración resumo anual – modelo 390, entre o 1 e o 30 do mes de xaneiro do ano seguinte. Exceptúanse quen leven os seus Libros rexistro a través da Sede electrónica da AEAT (SII) así como quen, tributando só en territorio común, realicen exclusivamente actividades que tributen en réxime simplificado do IVE e / ou arrendamento de bens inmobles urbanos (poderán realizarse ademais actividades polas que non exista obriga de presentar autoliquidacións periódicas).