Réxime simplificado

Medidas extraordinarias para empresarios afectados pola DANA

O Real Decreto-lei 7/2024, do 11 de novembro, polo que se adoptan medidas urxentes fronte aos danos causados pola DANA en diferentes municipios entre o 28 de outubro e o 4 de novembro de 2024.

Entre as medidas fiscais acordadas neste Real Decreto-lei relativas ao réxime simplificado de IVE destacan as seguintes:

• Apróbase unha redución do 25 %sobre a cota reportada por operacións correntes para as persoas que desenvolvan a súa actividade económica no réxime simplificado de IVE.

• Permítese aos empresarios que desenvolvan actividades económicas nos termos municipais citados no anexo do Real Decreto-lei 6/2024, do 5 de novembro, entre o 28 de outubro e o 4 de novembro de 2024, que viñesen determinando o rendemento neto no período impositivo 2024 polo método de estimación obxectiva, renunciar excepcionalmente a aplicar o réxime de módulos en 2024, tributando en tal caso no réxime de estimación directa simplificada en IRPF sen que esta decisión impida que o contribuínte poida volver aplicar o sistema de módulos en 2025 ou 2026. No ámbito de IVE, esta renuncia terá efectos a partir do 1 de xaneiro de 2025, debendo presentar o modelo 303 correspondente ao 4T do 2024 conforme ao réxime simplificado do imposto.

• A renuncia extraordinaria ao método de estimación obxectiva para 2024 poderá realizarse durante o mes de decembro de 2024 ou mediante a presentación no prazo regulamentario da declaración correspondente ao pagamento fraccionado do cuarto trimestre de 2024 na forma disposta para o método de estimación directa.