1.2. Obrigados a presentar a declaración

Están obrigados a presentar o modelo 180 todas aquelas persoas ou entidades, incluídas as Administracións Públicas, que, estando obrigadas a reter ou a ingresar a conta do Imposto sobre a Renda das Persoas Físicas, do Imposto sobre Sociedades e do Imposto sobre a Renda de non Residentes (establecementos permanentes) de conformidade co que se establece na normativa legal e regulamentaria reguladora destes impostos, satisfagan as rendas suxeitas a retención ou ingreso a conta que deben incluírse neste modelo. (Ver o apartado "Rendas que deben incluírse ”)

1. Os rendementos do capital inmobiliario e de actividades económicas procedentes do arrendamento ou subarrendamento de inmobles urbanos sometidos a retención ou ingreso a conta correspondentes a perceptores que teñan a consideración de contribuíntes polo Imposto sobre a Renda das Persoas Físicas. Non obstante, os rendementos procedentes do subarrendamento de inmobles urbanos sometidos a retención ou ingreso a conta que xeren para os seus perceptores, contribuíntes do IRPF, rendementos de capital mobiliaria deben declararse no modelo 193, aprobado por Orde do 18 de novembro de 1999 (BOE 19 de novembro).
2. As rendas procedentes do arrendamento ou subarrendamento de inmobles urbanos sometidas a retención ou ingreso a conta correspondentes a suxeitos pasivos do Imposto sobre Sociedades, así como as correspondentes a establecementos permanentes de contribuíntes polo Imposto sobre a Renda de non Residentes.