1.4.4. Presentación telemática por Internet con certificado electrónico

Condicións xerais

A presentación telemática estará suxeita ás seguintes condicións:

1. O declarante deberá dispor de Número de Identificación Fiscal (NIF)
2. O declarante deberá dispor dun sistema de sinatura electrónica avanzada ou un sistema de identificación e autenticación empregando un certificado electrónico recoñecido emitido de acordo co que se establece na Lei 59/2003, do 19 de novembro, de sinatura electrónica, admitido pola Axencia Estatal de Administración Tributaria de acordo co que se dispón na Orde HAP/800/2014, do 9 de maio, pola que se establecen as normas específicas sobre sistemas de identificación e autenticación por medios electrónicos coa Axencia Estatal de Administración Tributaria.
3. Para efectuar a presentación telemática da declaración correspondente ao modelo 180, o declarante deberá utilizar previamente, un programa de axuda para obter o ficheiro coa declaración que hai que transmitir. Este programa de axuda poderá ser o desenvolvido pola Axencia Estatal de Administración Tributaria para a declaración correspondente ao modelo 180 ou outro que obteña un ficheiro co mesmo formato.

O contido do devandito ficheiro deberase axustar aos deseños de rexistro establecido na orde que aproba o modelo.

Naqueles casos en que se detecten anomalías de tipo formal na transmisión telemática de declaracións, a devandita circunstancia poñera en coñecemento dese o declarante polo propio sistema mediante as correspondentes mensaxes de erro, para que proceda á súa emenda.

Procedemento

O procedemento para a presentación telemática da declaración correspondente ao modelo 180, será o seguinte:

1. O declarante porase en comunicación coa Axencia Estatal de Administración Tributaria a través de Internet ou de calquera outra vía equivalente que permita a conexión, no enderezo https://aeat.es. A continuación, procederá a transmitir a declaración coa sinatura dixital, xerada ao seleccionar o certificado de sinatura electrónica que vaia a ser utilizado, e previamente instalado no navegador para tal fin.
2. Se a declaración é aceptada, a Axencia Estatal de Administración Tributaria devolveralle en pantalla os datos do rexistro tipo 1 validados cun código electrónico de 16 caracteres, ademais da data e hora de presentación. No suposto de que a presentación fose rexeitada, mostraranse en pantalla os datos do rexistro tipo 1 e a descrición dos erros detectados. Neste caso, deberase proceder a emendar os mesmos co programa de axuda co que se xerou o ficheiro ou repetindo a presentación se o erro fose orixinado por outro motivo.
3. O presentador deberá imprimir e conservar a declaración aceptada así como o rexistro tipo 1 debidamente validado co correspondente código electrónico.