10.12.2. Por adopción internacional de nenos

No suposto de adopción internacional, os contribuíntes poderán deducir 600 euros por cada fillo adoptado no período impositivo.

Esta dedución é compatible coa dedución por nacemento ou adopción anterior.

Cando ambos os dous pais adoptivos convivan co neno a dedución ratearase entre eles por partes iguais.

A adopción terá carácter internacional cando así resulte das normas e convenios aplicables nesta materia.

Formalización

En caso de matrimonio se ambos os dous cónxuxes teñen dereito á dedución deberá indicar no recadro "Común" o número de fillos adoptados no ámbito internacional.

Noutro caso, o número de fillos adoptados internacionalmente reflectirase no recadro "Declarante". Neste suposto deberá cubrir, adicionalmente, se os fillos conviven con ambos os dous pais adoptivos.