10.14.1. Polo nacemento e adopción de fillos

Por cada fillo nado ou adoptado no período impositivo, que conviva co contribuínte na data de devindicación do imposto poderase deducir:

• 120 euros, cando se trate do primeiro fillo.

• 150 euros, cando se trate do segundo fillo.

• 180 euros, cando se trate do terceiro ou sucesivos fillos.

En caso de nacementos múltiples e adopcións múltiples, a dedución correspondente a cada fillo incrementarase en 60 euros.

Cando convivan con ambos os dous proxenitores ou adoptantes, o importe da dedución, no caso de que non se opte por presentar unha declaración conxunta, practicarase por partes iguais na declaración de cada un, nas condicións citadas.

No caso de que o número de fillos de cada proxenitor de lugar á aplicación dun importe diferente, isto é, para un deles pode ser o primeiro, e para o outro o segundo ou outro, ambos os dous aplicaranse a dedución segundo o numero de fillos preexistentes. No caso de declaración conxunta a dedución será a suma do que a cada un correspondería nas declaracións individuais.

Formalización

Reflectirase o número de fillos nados ou adoptados en 2017 no recadro correspondente ao número de orde que teña o fillo nado ou adoptado. En caso de matrimonio e se os fillos comúns ao cónxuxes conviven con ambos os dous, o dato reflectirase no recadro "Común".

Noutro caso, o dato farase constar no recadro "Do Titular ". Neste caso deberá indicar tamén se os fillos conviven con ambos os dous pais ou adoptantes.

Datos adicionais : Cando se trate de parto múltiple ou adopcións múltiples deberá indicar no recadro que corresponda segundo o indicado anteriormente o número de fillos nados no parto múltiple ou adopcións múltiples.