10.2.12. Por arrendamento de vivenda social (dedución do arrendador)

Cando o contribuínte puxese unha, ou máis vivendas a disposición do Goberno de Aragón, ou dalgunha das súas entidades ás que se atribúa a xestión do Plan de Vivenda Social de Aragón, poderá aplicarse unha dedución do 30% conforme aos seguintes requisitos e condicións:

1. A base da dedución será a cota íntegra autonómica que corresponda á base liquidable xeral derivada dos rendementos netos de capital inmobiliaria menos as correspondentes reducións por arrendamento de bens inmobles destinados a vivenda ou a redución por rendementos irregulares se existise.

2. Deberá formalizarse o depósito da fianza correspondente ao arrendamento ante o órgano competente en materia de arrendamento da Comunidade Autónoma de Aragón, dentro do prazo establecido pola Lei 10/1992, do 4 de novembro, de fianza dos arrendamentos urbanos e en determinados contratos de subministración, ou norma vixente en cada momento.

FORMALIZACIÓN: Porase a suma do rendemento neto do capital inmobiliario declarado (recadro 0079) de cada unha das vivendas cedidas ao Plan de Vivenda Social.