10.2.16. Por gastos de gardaría en fillos menores de 3 anos.

Os contribuíntes poderán deducirse o 15 por cento das cantidades satisfeitas no período impositivo polos gastos de custodia de fillos menores de 3 anos en gardarías ou centros de educación infantil, cun máximo de 250 euros por cada fillo inscrito nas devanditas gardarías ou centros. O límite, no período impositivo que o neno cumpra os tres anos de idade, será de 125 euros.

Requisitos:

1. Só teran en contase aqueles descendentes que dean dereito á aplicación do mínimo por descendentes.

2. Que a suma da base liquidable xeral e da base liquidable do aforro sexa inferior a 35.000 euros en declaracións individuais e inferior a 50.000 euros en declaracións conxuntas, sempre que a base impoñible do aforro, sexa cal for a modalidade da declaración, non supere 4.000 euros.

Cando os fillos que dean dereito a esta dedución convivan con máis dun contribuínte, o importe da dedución ratearase por partes iguais.

Entenderase como gardaría ou centro de educación infantil, todo centro autorizado polo departamento competente en materia de Educación que teña por obxecto a custodia de nenos menores de tres anos.

Formalización

Deberá indicar por cada fillo menor de tres anos o importe satisfeito polo titular da declaración.

En caso de fillos comúns, a continuación deberá indicar se estes conviven ou non con ambos os dous pais.

No caso de que algún dos fillos cumprise a idade de tres anos no exercicio 2017 deberá indicaro marcando o recadro correspondente cunha “X”, teremos que ter en conta que só é deducible as cantidades satisfeitas ata agora en que cumpre os tres anos.

No caso de que o outro proxenitor falecese durante o exercicio 2017, deberá reflectir no recadro correspondente, as cantidades aplicadas deducibles por el.