10.3.11. Por acollemento familiar de menores

• 253 euros por cada menor en réxime de acollemento familiar simple ou permanente, con exclusión daqueles que teñan finalidade preadoptiva.

  Requisitos:

  O menor debe convivir co contribuínte polo menos 183 días durante o período impositivo.

• 126 euros por cada menor en réxime de acollemento familiar simple ou permanente, con exclusión daqueles que teñan finalidade preadoptiva.

  Requisitos:

  Cando a convivencia do menor sexa superior a 90 días e inferior a 183 días.

Cando exista máis dun contribuínte con dereito á aplicación da dedución e estes realicen declaración individual do imposto, a dedución ratearase por partes iguais na declaración de cada un deles .

Formalización:

Abrirase unha xanela de captura de datos en que deberá indicar no recadro que corresponda ao período de convivencia do menor, o número de menores acollidos con dereito á dedución.

Indicaranse na columna "Común" cando en caso de matrimonio a dedución corresponda a ambos os dous cónxuxes. En caso contrario, indicarase na columna "Do Titular ".