10.4.1. Por determinados investimentos de mellora da sostibilidade da vivenda habitual

Os contribuíntes poderán deducir o 50 por cento do importe dos investimentos que melloren a calidade e a sostibilidade das vivendas, que se realicen no inmoble, situado na Illes Balears, que constitúa ou teña que constituír a vivenda habitual do contribuínte, ou dun arrendatario en virtude dun contrato de alugamento subscrito co contribuínte sometido á lexislación de arrendamentos urbanos..

Para os contribuíntes falecidos antes do 31 de decembro de 2017, a porcentaxe de dedución será do 15 por cento.

Con esta finalidade enténdense que melloran a calidade e a sostibilidade das vivendas os seguintes investimentos:

A instalación de equipos de xeración ou que permitan utilizar enerxías renovables como a enerxía solar, a biomasa ou a xeotermia que reduzan o consumo de enrgía convencional térmica ou eléctrica do edificio. Incluirá a instalación de calquera tecnoloxía, sistema ou equipo de enerxía renovable, como paneis solares térmicos, a fin de contribuír á produción de auga quente sanitaria demandada polas vivendas, ou a produción de auga quente para as instalacións de climatización.
As de mellora das instalacións de subministración e instalación de mecanismos que favorezan o aforro de auga, así como a implantación de redes de saneamento separativas no edificio e outros sistemas que favorezan a reutilización das augas grises e pluviais no mesmo edificio ou na parcela ou que reduzan o volume de vertedura ao sistema público de rede de sumidoiros.

Base da dedución : A base da dedución por investimentos na vivenda corresponderá ao importe realmente satisfeito polo contribuínte, co límite máximo de 10.000 euros por período impositivo.

Requisitos :

Para poderse aplicar a dedución deberá mellorarse como mínimo nun nivel a cualificación da eficiencia enerxética da vivenda habitual. Para tal fin requirirase o rexistro dos certificados de eficiencia enerxética da vivenda conforme ao que se dispón no RD 235/2013, polo que se aproba o procedemento básico para a certificación enerxética dos edificios, antes e despois de realizar os investimentos.
A base impoñible total do contribuínte non poderá superar o límite de 30.000 euros en tributación individual, nin de 48.000 euros en tributación conxunta. No caso de contribuíntes falecidos con anterioridade a 31 de decembro de 2017, os citados límites serán de 24.000 e 36.000 respectivamente.

Formalización:

Abrirase unha xanela de captura de datos en que deberá indicar o importe satisfeito con dereito a dedución.