10.6.1. Por arrendamento de vivenda habitual por mozos, maiores e con discapacidade

O contribuínte poderá deducir o 10 por cento, ata un límite de 300 euros anuais das cantidades satisfeitas no período impositivo polo arrendamento da súa vivenda habitual.

Requisitos:

• Ter menos de 35 anos cumpridos, ou ter 65 ou máis anos. O contribuínte con discapacidade física, psíquica ou sensorial que teña a consideración legal de persoa con discapacidade cun grao de diminución igual ou superior ao 65 por cen de acordo co baremo a que se refire o artigo 148 do Texto Refundido da Lei Xeral da Seguridade Social está exonerado do cumprimento deste requisito para ter dereito a gozar desta dedución.

• Que a base impoñible sexa inferior a 22.000 euros en tributación individual ou a 31.000 euros en tributación conxunta. Este requisito será controlado polo programa.

• Que as cantidades satisfeitas en concepto de alugamento excedan do 10 por cen da renda do contribuínte.

Tributación conxunta

No caso de tributación conxunta o importe máximo da dedución será de 600 euros; pero polo menos un dos declarantes deberá reunir os requisitos enunciados anteriormente para gozar da dedución.

Formalización

Na xanela reflectiranse os seguintes datos:

• O importe satisfeito polo titular.

  No caso de matrimonio se o alugamento corresponde ao cónxuxes por partes iguais, deberá reflectir o 50 por 100 do importe satisfeito polo alugamento.

• O NIF do arrendador.

  Se o arrendador non ten NIF deberá consignar o Número de Identificación no país de residencia

O programa trasladará os datos incluídos  do anexo B6 da declaración.