10.6.3. Por obras de mellora, importe xerado en 2015 e / ou 2016 pendentes de aplicación

O contribuínte puido deducir un 15% das cantidades satisfeitas en obras realizadas durante os exercicios  2015 e 2016 en calquera vivenda ou vivendas da súa propiedade, sempre que estean situadas na Comunidade de Cantabria ou no edificio en que a vivenda se encontre e que tivesen por obxecto:

1. Unha rehabilitación cualificada como tal pola Dirección Xeral da Vivenda do Goberno de Cantabria.

2. A mellora da eficiencia enerxética, a hixiene, a saúde e protección do medio natural e a accesibilidade á vivenda ou ao edificio en que se encontra.

3. A utilización de enerxías renovables, a seguridade e a estanquidade e en particular: substitución de instalacións de electricidade, auga, gas, calefacción.

4. As obras de instalación de infraestruturas de telecomunicación que permitan o acceso de Internet e a servizos de televisión dixital na vivenda do contribuínte.

Non deron dereito a practicar esta dedución as obras que se realizaron en vivendas afectadas a unha actividade económica, prazas de garaxe, xardíns, parques, piscinas e instalacións deportivas e outras elementos análogos.

LÍMITES :

1. A dedución terá un límite anual de 1.000 euros en tributación individual, e 1.500 en tributación conxunta.

2. Para contribuíntes con incapacidade cun grao de discapacidadigual ou superior a 65% este límite elévase en 500 euros en tributación individual e 500 euros en tributación conxunta por cada contribuínte con esa discapacidade.

As cantidades satisfeitas no exercicio 2015 e que non puideron ser aplicadas nese exercicio ou en 2016 poderaas aplicar no exercicio 2017.

En ningún caso darán dereito á aplicación da dedución as cantidades satisfeitas polas que o contribuínte teña dereito a aplicarse a dedución por investimento en vivenda habitual a que se refire o DT 18 da Lei 35/2006.

A dedución pendente de aplicar do exercicio 2015 ten que practicarse obrigatoriamente neste exercicio 2017. Hai que ter en conta tamén que as deducións pendentes de 2015 e 2016 deberán aplicarse antes que a dedución xerada no exercicio 2017.

Formalización:

Abrirase unha xanela en que deberá reflectir as cantidades con dereito a dedución satisfeita que non puideron ser deducidas no exercicio 2015 e 2016.

As cantidades pendentes pode vostede encontraras no recadro 807 do exercicio do exercicio 2015, e, se é o caso, no recadro 816 da declaración de 2016.