10.9.6. Para os contribuíntes que queden viúvos

Os contribuíntes que queden viúvos durante o exercicio poden aplicarse unha dedución de 150 euros. Esta dedución será aplicable na declaración correspondente ao exercicio en que os contribuíntes queden viúvos e nos dous exercicios inmediatamente posteriores de tal xeito que para os contribuíntes que queden viúvos no exercicio 2017, poderán aplicar a dedución nos exercicios 2018 e 2019.

Se o contribuínte que quede viúvo ten ao seu cargo un ou máis descendentes con dereito ao mínimo por descendentes, poderá aplicar unha dedución de 300 euros na declaración do exercicio en que o contribuínte quede viúvo, e na dos dous exercicios inmediatamente posteriores, desde que os descendentes manteñan os requisitos para computar para os efectos de aplicar o devandito mínimo.

Formalización:

A través dunha xanela de captura de datos, deberá marcar cunha “X” se ten dereito á dedución, tanto se o estado de viuvez se produciu en 2017 como nos dous exercicios anteriores, 2015 e 2016.