3.1.2.1. Indemnizacións exentas por despedimento ou cesamento do traballador

O gozo desta exención está condicionado á real efectiva desvinculación do traballador coa empresa.

Presumirase, agás proba en contrario, que non se dá a devandita desvinculación cando nos tres anos seguintes ao despedimento ou cesamento o traballador volva prestar servizos á mesma empresa ou a outra empresa vinculada a aquela nos termos previstos no artigo 16 do texto refundido da Lei do Imposto sobre Sociedades, sempre que no caso en que a vinculación se defina en función da relación sociosociedade, a participación sexa igual ou superior ao 25 por 100, ou ao 5 por 100 se se trata de valores negociados en mercados regulados de valores definidos no Título III da Directiva 2004/39/CE.