3.3.4. Desprazados eventuais

FÓRA DO TERRITORIO ESPAÑOL

Os contribuíntes polo IRPF que teñan a súa residencia habitual no estranxeiro e aqueles que se encontren fóra do territorio nacional durante o prazo de declaración poderán presentar a súa declaración e, se é o caso, realizar o ingreso ou solicitar a devolución por vía telemática.

No suposto de declaracións a devolver con renuncia á devolución ou negativas, as mesmas poderán enviarse por correo certificado dirixido á última Delegación da Axencia Estatal de Administración Tributaria en cuxa demarcación tiveron ou teñan a súa residencia habitual.

Declaracións acollidas ao procedemento de suspensión do ingreso

Tratandose de declaracións de cónxuxes non separados legalmente en que un deles solicite a suspensión do ingreso e o outro a renuncia ao cobramento da devolución, ambas as dúas declaracións presentaranse simultánea e conxuntamente.