3.3.1. Forma de presentación das declaracións

De acordo co artigo 2 da Orde HAP/2194/2013, do 22 de novembro, pola que se regulan os procedementos e as condicións xerais para a presentación de determinadas autoliquidacións, declaracións informativas, declaracións censuais, comunicacións e solicitudes de devolución, as declaracións do IRPF, así como o correspondente documento de ingreso ou devolución, poderán presentarse da seguinte forma:

1. PRESENTACIÓN ELECTRÓNICA POR INTERNET, que poderá ser efectuada mediante algún dos seguintes sistemas de identificación: certificado electrónico recoñecido, número de referencia ou sistema Cl@ve PIN.
2. PRESENTACIÓN A TRAVÉS DA CONFIRMACIÓN DO BORRADOR ,  que, tal e como se comentou no epígrafe anterior, permite a presentación, ademais de por Internet na Sede electrónica da Axencia Estatal de Administración Tributaria, por teléfono e nas oficinas da Axencia Estatal de Administración Tributaria, previa solicitude de cita, así como nas oficinas habilitadas polas Comunidades Autónomas, Cidades con Estatuto de
   Autonomía e Entidades Locais para a confirmación do borrador de declaración. Neste caso, a declaración deberá presentarse directamente nas citadas oficinas para a súa inmediata transmisión electrónica e, nas declaracións con resultado a ingresar sempre que o contribuínte
   procedese á domiciliación do ingreso resultante ou do primeiro prazo, se se trata de declaracións en que este optase polo fraccionamento do pagamento.