7.2.6. Redución por obtención de rendementos do traballo

A redución por obtención de rendemento de traballo unicamente aplicarase aos contribuíntes con rendementos netos do traballo inferiores a 14.450 euros sempre que non teñan rendas, excluídas as exentas, distintas das do traballo superior a 6.500 euros. Nestes casos aplicarase tanto o gasto de 2000 euros como esta redución. O importe da redución será:

Atención, as cantidades seguintes son soas de aplicación para os contribuíntes falecidos con anterioridade a 5 de xullo de 2018.

1. Contribuíntes con rendementos netos do traballo iguais ou inferiores a 11.250 euros: 3.700 euros anuais.

2. Contribuíntes con rendementos netos do traballo comprendido entre 11.250 e 14.450 euros: 3.700 euros menos o resultado de multiplicar por 1,15625 a diferenza entre o rendemento do traballo e 11.250 euros anuais.

Con esta finalidade, o rendemento neto do traballo será o resultante de minorar o rendemento íntegro nos gastos previstos nas letras a), b), c), d) e e) do artigo 19.2 da Lei do Imposto.

Como consecuencia da aplicación da redución prevista neste artigo, o saldo resultante non poderá ser negativo.

Para os contribuíntes en que o imposto se devenge desde o día 5 de xullo a 31 de decembro de 2018 aplicarase as reducións seguintes:

A metade da diferenza positiva resultante da seguinte operación:

Primeiro:

a) Contribuíntes con rendementos netos do traballo iguais ou inferiores a 13.115 euros: 5.565 euros anuais.

b) Contribuíntes con rendementos netos do traballo comprendido entre 13.115 e 16.825 euros: 5.565 euros menos o resultado de multiplicar por 1,5 a

diferenza entre o rendemento do traballo e 13.115 euros anuais.

Segundo:

As cuantias que se expuxeron para contribuíntes falecidos con anterioridade a 5 de xullo de 2018.

En todo caso, o programa de renda Web realiza automaticamente todos os cálculos, e non cómpre facer ningunha operación.