7.4.3. Renda imputada

Terá a consideración de renda imputada a cantidade que resulte de aplicar o 2 por 100 ao valor catastral, determinandose proporcionalmente ao número de días que corresponda en cada período impositivo.

No caso de inmobles cuxos valores catastrais fosen revisados, modificados, ou determinados mediante un procedemento de valoración colectiva de carácter xeral, de conformidade coa normativa catastral, e entrasen en vigor no período impositivo do exercicio ou no prazo dos 10 períodos impositivos anteriores, a renda imputada será o 1,1 por 100 do valor catastral.

Se á data de devindicación do imposto o inmoble carecese de valor catastral ou este non fose notificado ao titular, a porcentaxe será do 1,1 por cento e aplicarase sobre o 50 por cento do maior dos seguintes valores: o comprobado pola Administración para os efectos doutros tributos ou o prezo, contraprestación ou valor da adquisición.