7.5.3.3. Información relativa á actividade

Unha vez seleccionado o epígrafe da actividade, ou pulsando a icona situada xunto a este recadro, aparece unha xanela de captura de datos que recolle a información adicional precisa para o cálculo do rendemento neto e, se é o caso, dos índices correctores aplicables.

Se se exerce a actividade a través dunha entidade en réxime de atribución de rendas como son as entidades sen personalidade xurídica (comunidades de bens, herdanzas xacentes, etc.), non debe encher este apartado, senón que deberá consignar o rendemento neto atribuído no apartado "Réximes especiais: réxime de atribución de rendas" (apartado F da páxina  9 da declaración).

ACTIVIDADE DE TEMPADA

Teñen a consideración de actividades de tempada aquelas que habitualmente só se desenvolven durante certos días do ano, continuos ou alternos, sempre que o total non exceda de cento oitenta días por ano.

Se se trata dunha actividade de tempada, neste recadro deberá reflectirse o número de días de exercicio da actividade durante o exercicio 2018.

NOVAS ACTIVIDADES

Cando se trate de novas actividades iniciadas durante 2017 ou 2018 indicarase o ano de inicio, sempre que concorran as seguintes circunstancias:

1. Que se trate de novas actividades cuxo exercicio se iniciase a partir do 1 de xaneiro de 2017.

2. Que non se trate de actividades de tempada.

3. Que non se exercesen anteriormente baixo outra titularidade ou cualificación.

4. Que se realicen en local ou establecemento dedicado exclusivamente á nova actividade, con total separación do resto das actividades empresariais ou profesionais que, se é o caso, puidese realizar o contribuínte.

INCREMENTO DE CADRO DE PERSOAL

Aumentou en 2018 o número de persoas asalariadas na actividade con respecto a 2017?

Co obxecto de que o programa realice correctamente o cálculo da "minoración por incentivos ao emprego ", sinale se se produciu un incremento do número de persoas asalariadas, comparando a situación existente a 31 de decembro de 2018 con respecto á situación na mesma data do ano 2017. Así mesmo, enténdese que houbo incremento de cadro de persoal se nalgún momento durante o ano 2018 dispuxose de maior número de persoas asalariadas, en termos absolutos, en comparación co número máximo das existentes en calquera día do ano 2017.

Con esta finalidade non se terán en conta os traballadores que non deban computarse como persoal asalariado

EXERCE A ACTIVIDADE NUN SÓ LOCAL Ou SEN EL

Sinale se a actividade se exerce nun local como máximo.

INDIQUE O NÚMERO DE VEHÍCULOS AFECTOS Á ACTIVIDADE

Se dispón dalgún , sinale o número de vehículos afectos ao exercicio da actividade.

A CAPACIDADE DE CARGA DO VEHÍCULO É SUPERIOR A 1.000 kg

Se dispón dun só vehículo afecto á actividade, sinale se a súa capacidade de carga supera ou non 1.000 kg.

MUNICIPIO ONDE SE EXERCE A ACTIVIVIDAD

Marque o que proceda segundo o número de habitantes do municipio onde se exerce a actividade.

O número de habitantes será o da poboación de dereito do municipio, constituída polo total dos residentes inscritos no Padrón Municipal de Habitantes, presentes e ausentes.

Cando a actividade se exerza en varios municipios, indicarase o de maior poboación.

Nº MÁXIMO DE EMPLEADOS QUE HAN TRABAJADO SIMULTÁNEAMENTE EN 2018

Deberá consignarse o número máximo de persoas asalariadas que traballaron na actividade simultaneamente en calquera momento do ano, sen incluír aqueles traballadores que non deban computarse como persoal asalariado.

SI A ACTIVIDADE NON É DE TEMPADA E EXERCEUSE SÓ DURANTE UNHA PARTE DO ANO

Nos supostos de inicio da actividade despois do 1 de xaneiro ou de cesamento antes do 31 de decembro, deberá consignar o número de días en que exerceu a actividade, sen descontar os días de vacacións, os de descanso semanal nin os festivos.

SI EN 2017 A ACTIVIDADE REALIZOUSE EN LORCA (MURCIA)

Se no exercicio 2018 a actividade realizouse en Lorca deberá seleccionar unha das seguintes claves:

1. Actividade realizada exclusivamente en Lorca.

2. Actividade realizada en Lorca e noutros municipios.

Se selecciona a clave 2 deberá cubrir o recadro 0170 indicando o importe da redución que corresponda á parte do rendemento neto reducido da actividade desenvolvida en Lorca. A redución aplicable será o 20 por 100 desa parte do rendemento neto reducido.

Se selecciona a clave 1 o programa calculará a redución e cubrirá o recadro 0170.

Nº DE BATEAS E DE BARCOS AUXILIARES DA EMPRESA (Para a actividade de produción de mexillón en batea)

Deberá consignar o número que proceda dos relacionados, en función das bateas e barcos auxiliares cos que se desenvolva a actividade.

A ACTIVIDADE EXÉRCESE CON TRACTOR CAMIÓN E CARÉCESE DE SEMIREMOLQUE (Para a actividade de transporte de mercadorías por estrada e servizos de mudanza)

Deberá sinalar o recadro correspondente se a actividade se realiza con tracto-camións e o titular carece de semiremolques.

PAGAMENTOS FRACCIONADOS E RETENCIÓNS

Deberá consignar as retencións e ingresos a conta e os pagamentos fraccionados (modelo 131) correspondentes a todas as actividades económicas realizadas en estimación obxectiva no Apartado  M "Cálculo do Imposto e Resultado da declaración "(recadros  0599 e  0604 da páxina 17 da declaración).