10.1.1. Para os contribuíntes beneficiarios das axudas familiares

Os contribuíntes que teñan dereito a percibir axudas económicas en aplicación da normativa da Comunidade Autónoma de Andalucía de apoio ás familias andaluzas terán dereito a aplicar na cota íntegra autonómica, as seguintes deducións:

1. Se se tivese dereito a percibir axudas económicas por fillo menor de 3 anos no momento dun novo nacemento: 50 euros por cada fillo menor de 3 anos que integre a unidade familiar do contribuínte.

2. Se se ten dereito a percibir axudas económicas por parto múltiple: 50 euros por fillo nado que integre a unidade familiar do contribuínte.

Cando a dedución corresponda a dous contribuíntes o seu importe distribuirase entre eles por partes iguais.

Límite de Base impoñible:

Poderán aplicar estas deducións aqueles contribuíntes respecto dos cales os ingresos anuais da unidade familiar en que se integran non excedan de 11 veces o salario mínimo interprofesional, isto é 97.138,80 euros anuais.

Considéranse ingresos anuais da unidade familiar os compostos pola base impoñible xeral e a base impoñible do aforro.

Formalización

A través dunha xanela de captura de datos deberá indicar:

• Beneficiarios da axuda por fillos menores de 3 anos no momento dun novo nacemento :

  En caso dun matrimonio e cando ambos os dous cónxuxes teñen dereito á dedución, deberá indicar no recadro "común" o número de fillos que dan dereito á percepción das axudas.

  Noutro caso, o número de fillos menores de tres anos que dan dereito á percepción das axudas reflectirase no recadro "Titular". Neste suposto, deberá cubrir, adicionalmente, o número de persoas que teñen dereito a aplicar a dedución con respecto a eses fillos, reflectindo nela un 1 se o dereito á dedución corresponde só ao contribuínte ou un 2 se hai dous proxenitores con dereito á mesma.

• Beneficiarios da axuda por parto múltiple :

  En caso dun matrimonio e cando ambos os dous cónxuxes teñen dereito á dedución, deberá indicar no recadro "común" o número de fillos que dan dereito á percepción das axudas.

  Noutro caso, o número de fillos polos que se teña dereito á percepción da axuda por parto múltiple reflectirase no recadro "Titular". Neste suposto, deberá cubrir, adicionalmente, o número de persoas que teñen dereito a aplicar a dedución con respecto a eses fillos, reflectindo nela un 1 se o dereito á dedución corresponde só ao contribuínte ou un 2 se hai dous proxenitores con dereito á mesma.

No caso de que optase por realizar un tipo de captura de datos individuais, habilitarase un recadro que deberá marcar cunha “X” se as bases impoñibles xerais e do aforro de todos os membros da unidade familiar en que se integre o contribuínte non exceden de 97.138,80 euros anuais.