10.11.1. Por nacemento ou adopción de fillos

Por cada fillo nado ou adoptado no período impositivo, que conviva co contribuínte na data de devindicación do imposto, poderase deducir as seguintes contías:

300 euros, sempre que a base impoñible total menos o mínimo persoal e familiar para os efectos do Imposto sobre a Renda das Persoas Físicas fóra igual ou maior de 22.000,01 euros. En caso de parto múltiple esta dedución ascenderá a 360 euros por cada fillo.
360 euros, sempre que a base impoñible total menos o mínimo persoal e familiar para os efectos do Imposto sobre a Renda das Persoas Físicas fóra menor ou igual a 22.000 euros. Esta contía será de 1.200 euros se se trata do segundo fillo e de 2.400 euros se se trata do terceiro fillo ou seguintes.
As anteriores contías incrementaranse nun 20 por cento para os contribuíntes residentes en municipios de menos de 5.000 habitantes, e nos resultantes de procedementos de fusión ou incorporación.
As contías fixadas para esta dedución, expostas anteriormente, duplicaranse para o caso de que o nado ou adoptado teñan recoñecido un grao de discapacidade igual ou superior ao 33 por cento.

Esta dedución estenderase aos dous períodos impositivos seguintes ao nacemento ou adopción, sempre que o fillo nado ou adoptado conviva co contribuínte na data de devindicación do imposto que corresponda a cada un deles , segundo as seguintes contías e límites de renda:

300 euros, sempre que a base impoñible total menos o mínimo persoal e familiar para os efectos do IRPF estivese comprendida entre 22.000,01 e 31.000 euros.
360 euros para o primeiro fillo, 1.200 euros o 2º fillo e 2.400 o terceiro e seguintes, sempre que a base impoñible total menos o mínimo persoal e familiar para os efectos do IRPF fóra menor ou igual a 22.000 euros.

Cando no período impositivo do nacemento ou adopción, ou nos dous seguintes, os fillos convivan con ambos os dous proxenitores a dedución practicarase por partes iguais na declaración de cada un deles .

Formalización : Deberá indicar en primeiro lugar o número de fillos nados ou adoptados no exercicio 2017, a continuación deberá tamén facilitar a información nos recadros correspondentes se estes fillos conviven con ambos os dous pais e o número deles que naceron en partos múltiples. Por último deberá indicar se ten a súa residencia habitual en municipios de menos de 5.000 habitantes.

En segundo lugar deberá indicar os fillos nados ou adoptados nos exercicios 2016 e / ou 2017 que deron dereito á dedución neses anos, indicando ademais se conviven con ambos os dous pais ou adoptantes.