10.12.12 Por coidado de fillos menores de tres anos

Os contribuíntes poderán deducir:

1. O 20 por cento das cotas ingresadas polo contribuínte por cotizacións ao Sistema Especial de Empregados de Fogar do réxime Xeral da Seguridade Social, cun límite de 400 euros anuais.

2. O 30 por cento no caso de contribuíntes titulares dunha familia numerosa co límite  de 500 euros anuais.

Requisitos:

• O contribuínte debe de estar en situación de alta na Seguridade Social como empregadora titular dun fogar familiar, ter contratada e cotizar por unha ou varias persoas polo sistema Especial de Empregados de Fogar do Réxime Xeral da Seguridade Social no período.

• Que a persoa ou persoas contratadas presten servizos para o titular do fogar familiar, polo menos 40 horas mensuais.

• O contribuínte empregador e se é o caso o outro proxenitor do fillo menor de tres anos deben de realizar unha actividade por conta propia ou allea polo que estean dados de alta no Réxime correspondente á Seguridade Social ou mutualidade, polo menos, durante 183 días dentro do exercicio.

• Os proxenitores deben de ter dereito á aplicación do mínimo por descendentes por ese fillo menor de tres anos.

• Que a suma da base impoñible xeral e do aforro do contribuínte, canda a correspondente ao conxunto da unidade familiar, non supere a cantidade de multiplicar por 30.000 euros o número de membros da devandita unidade familiar.

Formalización: Deberá indicar no recadro correspondente  as cantidades cotizadas á Seguridade Social con dereito á dedución, e se é o caso, marcar a recadro de familia numerosa.