10.14.10. Por fillos de 0 a 3 anos ecolarizados en calquera municipio
Por cada fillo de 0 a 3 anos escolarizados en escolas ou centros infantís de calquera municipio de La Rioja poderán deducir o 100 por 100 dos gastos de escolarización de cada fillo de 0 a 3 anos cun importe máximo de ata 600 euros anuais, en función da súa base liquidable xeral (Recadro 0505 da páxina 15), sometidos aos tipos da escala autonómica de cada declaración xa sexa esta conxunta ou individual, cos seguintes límites:
Base liquidable xeral sometida a gravame
| 12.450 euros ou menos | 600 euros |
| Entre 12.450,01 e 20.200 euros | 550 euros |
| Entre 20.200.01 e 35.200 euros | 500 euros |
| Entre 35.200.01 e 50.000 euros | 400 euros |
| Entre 50.000.01 e 60.000 euros | 250 euros |
| Entre 60.000.01 e 120.000 euros | 100 euros |
| Máis de 120.000 euros | 0 euros |
No caso de proxenitores con dereito a deducir polos mesmos descendentes, se presentasen declaracións individuais, o importe máximo deducible por contribuínte, será o 50 por cento dos indicados no cadro anterior, calculado en función da base liquidable xeral de cada un deles .
IMPORTANTE: Se a base liquidable do aforro (recadro 0510 da declaración) supera a cantidade de 1.800 euros, o límite que hai que aplicar por esta dedución será o do tramo inmediatamente inferior en contía, cun mínimo de 100 euros.
Requisitos
- Que o contribuínte teña a súa residencia habitual na Comunidade Autónoma de La Rioja.
- Que o contribuínte, a data de devindicación do imposto, conviva co menor e teña dereito ao mínimo por descendentes. Se o fillo cumpre tres anos durante o exercicio, poderase aplicar a dedución polos gastos de escolarización satisfeitos ata o mes anterior ao cumprimento desa idade. Tamén se poderá aplicar a dedución polos gastos satisfeitos de escolarización polos fillos falecidos no exercicio. Tamén se poderá aplicar a dedución polos fillos de que se teña a garda e custodia compartida, aínda que na data de devindicación do imposto convivan co outro proxenitor.
- Que os fillos estean matriculados, durante un período mínimo de 6 meses nunha escola infantil ou centro de La Rioja. No caso de falecemento dalgún fillo non se aplicará este período mínimo.
Formalización
Deberá cubrir, por cada fillo con dereito a dedución, o importe das cantidades totais satisfeitas polo ttitular da declaración.
Tamén deberá indicar, por esta orde, se ambos os dous pais teñen dereito ao mínimo por descendentes, e o NIF da escola ou centro infantil.
Os límites máximos de dedución, segundo a base liquidable xeral, son controlados polo programa.