10.15.10. Por primeira adquisición da súa vivenda habitual por contribuíntes de idade igual ou inferior a 35 anos

Poderá deducirse o 5 por 100 das cantidades destinadas polo contribuínte durante o período impositivo, incluídos os gastos que corresen ao seu cargo, agás os intereses, á primeira adquisición da súa vivenda habitual, sempre que se cumpran os seguintes REQUISITOS:

Ten que tratarse da primeira adquisición (incluíndo a construción da vivenda habitual do contribuínte. Esta dedución non se pode aplicar, porén, por cantidades depositadas en contas vivenda.
A idade do contribuínte ten que ser igual ou inferior a 35 anos na data de devindicación do imposto.
Que a suma da base impoñible xeral e a base impoñible do aforro non sexa superior a 15.039,18 euros, equivalente a dúas veces o indicador público de renda de efectos múltiples (IPREM). En declaración conxunta cumprirá que a base impoñible da devandita declaración non exceda desta contía.

Esta dedución require que o importe comprobado do patrimonio do contribuínte ao finalizar o período da imposición, exceda do valor que guindase a súa comprobación ao comezo do mesmo, en, polo menos, a contía dos investimentos realizados. Con esta finalidade non se computarán os incrementos ou diminucións de valor experimentado durante o período impositivo polos bens que ao final do mesmo sigan formando parte do patrimonio do contribuínte. Este requisito aplícase de forma conxunta para todas as deducións para as que se esixa.

COMPATIBILIDADE:A aplicación desta dedución é compatible coa dedución por adquisición de vivenda habitual por persoas con discapacidade".

Non se poderá aplicar esta dedución polas cantidades polas que se aplicase a dedución "Por cantidades destinadas á adquisición ou rehabilitación de vivenda habitual procedentes de axudas públicas" (Recadro 1094).

Formalización

Na xanela reflectiranse as cantidades satisfeitas que dean dereito á dedución.

En caso de matrimonio e se o importe satisfeito corresponda ao cónxuxes por partes iguais, reflectirase o 50 por 100 da contía total satisfeita por ambos os dous cónxuxes.