10.2.9. Por adquisición ou rehabilitación de vivenda en núcleos rurais ou análogos

O contribuínte poderá aplicarse unha dedución do 5 por cento polas cantidades satisfeitas pola adquisición ou rehabilitación da vivenda que constitúa ou vaia a constituír a vivenda habitual, sempre que se cumpran os seguintes requisitos:

Que o contribuínte teña a súa residencia habitual na Comunidade Autónoma de Aragón.
Que á data de devindicación do imposto teña menos de 36 anos.
Que se trate da súa primeira vivenda.
Que a vivenda estea situada nun municipio de menos de 3.000 habitantes, ou alternativamente, nunha entidade local menor ou nunha entidade singular de poboación, que se encontren separadas ou diferenciadas da capitalidade do municipio ao que pertencen.
Que a cantidade resultante da suma da base impoñible xeral e a base impoñible do aforro, menos o mínimo por contribuínte e o mínimo por descendentes non sexa superior a 35.000 euros en declaración conxunta e 21.000 euros en declaración individual.

Só resultará aplicable a dedución cando o contribuínte non fose propietario de ningunha outra vivenda, constitúa ou non a súa residencia habitual.

Formalización: Abrirase unha xanela de captura de datos en que deberá indicar o importe satisfeito con dereito á dedución.

O concepto de adquisición de vivenda habitual e o seu límite máximo serán os fixados pola normativa estatal vixente a 31 de decembro de 2012.

Esta dedución será aplicable ás adquisicións ou rehabilitacións de vivendas en núcleos rurais efectuadas a partir do 1 de xaneiro de 2012.