Saltar ao contido principal
Modelo 100. Declaración do Imposto sobre a Renda das Persoas Físicas 2018

10.5.11. Por investimento en vivenda habitual

Pola adquisición da vivenda que constitúa ou vaia a constituír a residencia habitual do contribuínte nos mesmos termos e cos mesmos requisitos esixidos na normativa estatal do imposto, vixente a 1 de xaneiro de 2012, para a aplicación da dedución por tal concepto, poderanse aplicar as seguintes porcentaxes de dedución:

  • Se a renda (base impoñible xeral) é inferior a 15.000 euros: o 3,50 %.

  • Se a renda (base impoñible xeral) é igual ou superior a 15.000 e inferior a 30.000 euros: o 2,50%.

A dedución non será de aplicación ás cantidades destinadas á rehabilitación, reforma ou adecuación por razón de discapacidade, da vivenda habitual.

Limite conxunto da dedución

A suma do importe desta dedución canda o das deducións autonómicas “Por cantidades destinadas polos seus titulares á restauración, rehabilitación ou reparación de bens inmobles declarados de Interese Cultural”, “Por obras de rehabilitación enerxética da vivenda habitual" e “Por obras de adecuación da vivenda habitual por persoas con discapacidade" non poderá exceder o 15 por 100 da cota íntegra autonómica.

IMPORTANTE: No caso de contribuíntes falecidos antes do 5 de decembro de 2018, as porcentaxes de dedución serían os seguintes:

- Se a suma do importe da base impoñible xeral e da base impoñible do aforro é inferior a 12.000 euros, o 1,75 %.

- Se a suma do importe da base impoñible xeral e da base impoñible do aforro é superior a 12.000 euros e inferior a 24.107,20 euros, o 1,55%