8.1.1.1. Entidades en réxime de atribución de rendas
Entidades en réxime de atribución de rendas (art. 8.3 e 87 Lei)
As rendas, correspondentes ás sociedades civís que non estean suxeitas ao Imposto sobre Sociedades, teñan ou non personalidade xurídica, herdanzas xacentes, comunidades de bens e demais entidades a que se refire o artigo 35.4 da Lei 58/2003, do 17 de decembro, Xeral Tributaria, atribuiranse aos socios, herdeiros, comuneiros ou partícipes, respectivamente, de acordo coas normas do Imposto sobre a Renda das Persoas Físicas.
O réxime de atribución de rendas será aplicable ás entidades constituídas no estranxeiro cuxa natureza xurídica sexa idéntica ou análoga á das entidades en atribución de rendas constituídas de acordo coas leis españolas.
O réxime de atribución de rendas non será aplicable ás sociedades agrarias de transformación, aos fondos de investimento de Institucións de Investimento Colectivo, Unións Temporais de Empresa, os Fondos de Pensións e as comunidades titulares de montes veciñais.
As entidades en réxime de atribución de rendas non estarán suxeitas ao Imposto sobre Sociedades
Cualificación da renda atribuída (art. 88)
As rendas das entidades en réxime de atribución de rendas atribuídas aos socios, herdeiros, comuneiros ou partícipes terán a natureza derivada da actividade ou fonte de onde procedan.